النشرة المرورية بالقاهرة

النشره المروريه الصباحيه لمدينه القاهره من :

صباح الفل عليكم يا قاهريين معادكم مع نشرة (10) صباحا :

نبتدى بكوبرى 6 أكتوبر :

من المهندسين للتحرير زحمة وبعدين لذيذ لمدينة نصر.

ومن مدينة نصر للتحرير صعب وبعد كده واقف للمهندسين.

وشارع رمسيس ونفق الأزهر زى الفل.

نطلع على المحور :

طريقك كله زحمة والجزء الوحيد الرايق بيكون من الدائرى للشيخ زايد.

كوبرى 15 مايو اتجاه المهندسين لذيذ واتجاه وسط البلد واقف.

وصلاح سالم : زحمة.

نروح على الأوتوستراد :

من حلوان للقلعة زحمة وبعد كده لذيذ لكوبرى 6 أكتوبر.

ومن كوبرى 6 أكتوبر لحلوان روعة.

كورنيش النيل من حلوان للمعادى صعب.

ومن وسط البلد لحلوان اخر روقان.

وأخيرا مع الدائرى :

من طريق الواحات لوصلة المريوطية لذيذ ومن الوصلة للمنيب زحمة وبعدين حلاوة للأوتوستراد ، ومن الأوتوستراد للتجمع صعب.

والإتجاه التانى من التجمع للأوتوستراد زحمة ومن الأوتوستراد لوصلة المريوطية رايق وبعد كده صعب لطريق الواحات.

سوقوا عدل .. ربنا معاكم

تصحبكم السلامه